歌手Gin Lee（李幸倪）剛在香港出道時就簽入了BMA（博美娛樂），雖然當時她的人氣不如現在，但在BMA年代時她的確有不少水準之作。
李幸兒《很堅強》
最近，由於她演唱會舉行將至，環球唱片為了讓樂迷下足功夫看show，不惜把Gin Lee在BMA年代的歌曲著作權買回並為她推出精選專輯《Prologue》。這張專輯總共收錄了15歌曲，當中有14首是來自BMA年代的主打、非主打作品、以及收錄了之前翻唱張學友的《天變地變情不變》，而且隨碟附送收錄了12首歌曲的MV的DVD。
提到首次推出精選專輯，Gin Lee坦承感到意外，畢竟這些音樂作品都屬於前公司擁有：
真系好多謝公司，因為要買歌曲著作權及MV真系用咗唔少錢。我覺得呢段時間推出精選碟都幾好，可以俾樂迷回顧我過去嘅音樂路，每首歌都帶俾我唔同嘅回憶，特別系《今天終於一人回家》呢一首歌，因為呢首歌令到比較多人認識我嘅聲音。
Gin Lee最近除了首次推出精選專輯《Prologue》，更值得高興的是她出道9年終於迎來人生第一次紅館個唱機會。她坦言其實公司早已希望為她舉辦「紅館個唱」，但奈何未能申請成功。Gin Lee說：
我諗打算開系推出《雙雙》呢首歌之後，因為當時外界對呢首歌嘅反應都幾好，除此之外收錄《雙雙》嘅大碟《beGin》（2016年4月推出）仲拎到我入行第一次金唱片。我當時就同自己講「原來我真系有咁多支援者，如果我開演唱會佢哋又會唔會嚟呢？」當時呢只碟真系俾咗我好大信心我。而公司見到新碟有咁好成績就同我講「我哋入紙紅館喇，不過幾時有期真系冇人會知。」由當時開始每個月入紙，入咗一年幾之後都冇消息，慢慢我已經將紅館夢擺埋一邊。
她繼續說：
要申請紅館真系好難，我承認開頭系有失望，但後來我就同自己講上天一定會喺最岩噶時候就會出現。依家回想起，我覺得今年開紅館系最適合嘅時機，如果早啲有呢個機會，我都未準備好，我會怯。我感覺到我依家嘅狀態系最好，我已經好急不及待開show。
曾有網民認為一位歌手要稱得上「天後級」，有否開過紅館個唱是其中一步，對於這個說法，Gin Lee似乎也認同：
我都聽過有人咁形容我，我認為每個人嘅準則都唔同，有啲人到依家都仍然覺得我只系一個新人，因為佢哋覺得一個歌手一日未上紅館一日都只系一個新人。有啲人會覺得要去到天皇天後呢個級數，中間一定要完成幾個階段，而紅館系其中一個。我覺得呢個想法都啱數嘅，原因唔系開唔開紅館嘅問題，而系舞台嘅大細，個場可以容納幾多人，有幾多人真金白銀買飛認同你嘅問題。因為要有過萬人買飛黎撐你真系唔容易，所以我終於唔系一個新人。
撰稿：史順宜
八叔推薦
防晒只知道安耐曬？
這款日本的防晒噴霧一樣好用到哭！
微博：@八卦香港
合作：微信 dinho66
八叔